შინაგან საქმეთა სამინისტროს საინფორმაციო-ანალიტიკური დეპარტამენტის დირექტორი გოჩა რატიანი ევროკავშირის სადამკვირვებლო მისიის (EUMM) ხელმძღვანელ ტოივო კლაარს, ოპერაციების მართვის უფროსის მოადგილე მარტინ კულიშეკს და მეკავშირე ოფიცერ მარის დომინსს შეხვდა.
მარის დომინსი, რომელსაც მისიის ვადა ამოეწურა, საქართველოს უახლოეს მომავალში დატოვებს. საინფორმაციო-ანალიტიკური დეპარტამენტის დირექტორმა მას თანამშრომლობისთვის მადლობა გადაუხადა და სამახსოვრო საჩუქრები გადასცა.
