შსს-ს აკადემიას არასამთავრობო ორგანიზაცია „ახალგაზრდა კრიმინოლოგთა ჯგუფი“-ს წარმომადგენლები ეწვივნენ. ვიზიტის მიზანი დამამთავრებელი კლასების მოსწავლეებისთვის, რომლებიც „ახალგაზრდა კრიმინოლოგთა ჯგუფ“-ში არიან გაწევრიანებული, აკადემიაში დანერგილ სასწავლო პროცესთან დაკავშირებული საკითხების გაცნობა და სასწავლო ბაზის დათვალიერებაა.
შსს-ს აკადემიის წარმომადგენლებმა სტუმრებს პროფესიული გამოცდილება გაუზიარეს და მათთვის საინტერესო საკითხებზე, კერძოდ, პოლიციის უწყებებში კადრების მიღების პროცედურებსა და შსს-ს აკადემიაში არსებული სწავლების მეთოდოლოგიის შესახებ ესაუბრნენ.
სტუმრებმა აკადემიის სასწავლო ბაზა, აუდიტორიები, ბიბლიოთეკა, ინგლისური ენის ცენტრი, კომპიუტერული ცენტრი, სპორტული დარბაზი, საცურაო აუზი, სასროლეთი და ვირტუალური ტირი დაათვალიერეს.
