ევროპის პოლიციელთა და მეხანძრეთა მე-5 სპორტულ თამაშებზე, ცურვაში შეჯიბრის მეორე დღეს, სამმა ქართველმა სპორტსმენმა პოლიციელმა სხვადასხვა სტილით ცურვაში კიდევ 4 მედალი მოიპოვა, აქედან – 1 ოქროს, 1 ვერცხლის და 2 ბრინჯაოს მედალია.
გიორგი ბერძენიშვილმა 400 მეტრი თავისუფალ სტილში გაცურა და, მიუხედავად გამოცდილი და ძლიერი მოწინააღმდეგეებისა, შეძლო და ოქროს მედალი დაისაკუთრა. მან ასევე იასპარეზა 200 მეტრზე გულაღმა სტილით ცურვაში და ბრინჯაოს მედალი აიღო.
ასევე გულაღმა სტილით ცურვაში მოასპარეზე გიორგი სამარღანიშვილი ფინიშის ხაზთან მეორე მიცურდა და ვერცხლის მედალი მოიპოვა. მესამე ქართველმა სპორტსმენმა პოლიციელმა ლევან ვარამაშვილმა 50 მეტრზე „ბრასი“-ს სტილით ცურვაში ბრინჯაოს მედალი აიღო.
ქართველმა სპორტსმენმა პოლიციელებმა ბელგიის ქალაქ ბრიუსელში მიმდინარე ევროპის პოლიციელთა და მეხანძრეთა მე-5 სპორტულ თამაშებზე სულ 21 მედალი მოიპოვეს - 3 ოქროს, 11 ვერცხლის და 7 ბრინჯაოს მედალი.
