შინაგან საქმეთა მინისტრი ვახტანგ გომელაური, პრემიერ-მინისტრ გიორგი გახარიასთან, საქართველოს პრეზიდენტთან, მთავრობის წევრებთან და დიპლომატიური კორპუსის წარმომადგენლებთან ერთად, მუხათგვერდის ძმათა სასაფლაოზე მივიდა. მინისტრმა 2008 წლის აგვისტოში, რუსეთ-საქართველოს ომის დროს დაღუპული ჯარისკაცების ხსოვნას პატივი მიაგო და გმირთა მემორიალი გვირგვინით შეამკო.
2008 წლის აგვისტოს ომის შემდეგ 12 წელი გავიდა. საომარი მოქმედებების დროს შინაგან საქმეთა სამინისტროს 14 და სანაპირო დაცვის 5 თანამშრომელი დაიღუპა.
