შსს-ს საგანგებო სიტუაციების მართვის სააგენტოს დირექტორმა ნიკოლოზ სირაძემ სააგენტოს აჭარის რეგიონის სამმართველოები მოინახულა და არსებულ ვითარებას ადგილზე გაეცნო.
ნიკოლოზ სირაძე სააგენტოს ადგილობრივ თანამშრომლებს შეხვდა, რომლებიც აჭარის რეგიონში მომხდარ ყველა ტიპის საგანგებო სიტუაციებზე რეაგირებას წარმატებით და პროფესიონალურად ახორციელებენ. სააგენტოს დირექტორმა, წყალზე მაშველებთან და მეხანძრე-მაშველებთან ერთად, სამომავლო საქმიანობის პრიორიტეტები და გეგმები განიხილა.
