შინაგან საქმეთა მინისტრი დარიალის ხეობაში იმყოფება. ალექსანდრე ჭიკაიძე არსებულ ვითარებას ადგილზე ეცნობა. ხეობაში ჩამოწოლილი მეწყერის შედეგად ჩაიხერგა დევდორაკის ხეობა და დარიალჰესის გვირაბი. ამ დროისთვის უგზოუკვლოდ დაკარგულად ითვლება 2 პიროვნება, რომელიც გვირაბში სამუშაოებს აწარმოებდნენ.
შსს-ს საგანგებო სიტუაციების მართვის დეპარტამენტის სრული შემადგენლობა მობილიზებულია დარიალის ხეობაში. მდინარე თერგის წყალი გადაკეტილია და გვირაბის ზედა ნაწილში მიმდინარეობს საძიებო-სამაშველო სამუშოები. გვირაბის ქვედა ნაწილში მძიმე ტექნიკის საშუალებით დაიწყო გაწმენდითი სამუშაოები.
