საპატრულო პოლიციის დეპარტამენტის შიდა ქართლის სამმართველოს უფროსის მოადგილე დიმიტრი ქვაჭრელიშვილმა გორში სუიციდის მცდელობის ფაქტი აღკვეთა და ახალგაზრდა მამაკაცი სიკვდილისგან იხსნა.
გორში, სტადიონის მიმდებარე ტერიტორიაზე, გარე განათების ბოძზე ასული, ალკოჰოლის ზემოქმედების ქვეშ მყოფი, 1975 წელს დაბადებული მოქალაქე თვითმკვლელობის მიზნით გადმოხტომას აპირებდა. თვითმხილველმა ტაქსის მძღოლმა აღნიშნულის შესახებ საპატრულო პოლიციის თანამშრომლებს შეატყობინა. შემთხვევის ადგილზე მისულმა სამართალდამცველებმა, კერძოდ, დიმიტრი ქვაჭრელიშვილმა რამდენიმეწუთიანი მოლაპარაკების შედეგად დაარწმუნა აღნიშნული პირი არ გადმომხტარიყო, გადააფიქრებინა თვითმკვლელობა და ბოძიდან უვნებლად ჩამოიყვანა.
საპატრულო ეკიპაჟმა მოქალაქე სახლამდე მიაცილა.
