სამების საკათედრო ტაძარში გამართულ საკვირაო წირვაზე, ლოცვისა და ქადაგების შემდეგ, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საქართველოს შინაგან საქმეთა სამინისტროს "112"-ის დეპარტამენტის თანამშრომლები დალოცა.
საკათედრო ტაძარში გამართულ საკვირაო წირვა-ლოცვას "112"-ის დეპარტამენტის დირექტორი გიორგი ბიჭაშვილი და დეპარტამენტის თანამშრომლები ოჯახის წევრებთან ერთად დაესწრნენ.
