საჯარო სამართლის იურიდიული პირი - საქართველოს შინაგან საქმეთა სამინისტროს მომსახურების სააგენტო 2007 წლიდან ფუნქციონირებს.
მომსახურების სააგენტო მოქალაქეებს, ქვეყნის მასშტაბით 11 ქალაქში თანამედროვე სტანდარტების შესაბამის სერვისებს აწვდის.
მოსახლეობას ყველა სერვისის მიღება სწრაფად და ხარისხიანად ერთ სივრცეში, ერთი ფანჯრის პრინციპით შეუძლიათ.
სერვისების მიწოდება ოთხი ძირითადი მიმართულებით ხორციელდება:
-
სატრანსპორტო საშუალების მართვის მოწმობასთან დაკავშირებული სერვისები;
-
სატრანსპორტო საშუალების რეგისტრაციასთან დაკავშირებული სერვისები;
-
იარაღთან დაკავშირებული სერვისები;
-
ცნობების გაცემასთან დაკავშირებული სერვისები.
მომსახურების სააგენტოს სერვისებით სარგებლობა შესაძლებელია, როგორც სტრუქტურულ ერთეულებში, ასევე ონლაინ, მობილური აპლიკაციის (Service Agency) და სააგენტოს ოფიციალურ ვებგვერდზე, მომხმარებლის პირადი გვერდის (https://my.sa.gov.ge/auth) საშუალებით.
მომსახურების სააგენტოში ფუნქციონირებს, როგორც სატელეფონო, ასევე ონლაინ დახმარების სერვისი. სააგენტოსთან სატელეფონი გზით დაკავშირება შესაძლებელია შემდეგ ნომერზე: 12 72, ხოლო საზღვარგარეთიდან: +995 (032) 2 41 91 91. ონლაინ კონსულტაციით სარგებლობა ვებგვერდზე არსებული ონლაინ დახმარების ველით https://www.sa.gov.ge არის შესაძლებელი.
|
